Dumondas e respostas

Dumondas davart Covent

Tgi ha sviluppà l’app?

  • I na sa tracta betg dad in’app nativa ed ella na sto betg vegnir telechargiada. Covent è ina lavur da squadra tranter Dräger Schweiz AG e skipp communications AG. La programmaziun vegn/è vegnida realisada da la firma skipp communications AG e Milkbook LLC. L’applicaziun da web vegn sviluppada en Svizra.

Tge/tgi è Covent?

  • Covent è Dräger Schweiz AG e skipp communications AG.

È la protecziun da datas garantida?

  • Las datas èn criptadas e protegidas d’access betg autorisads. Ultra da quai vegnan las datas per il monitoring anonimisadas correspundentamain.

È il sistem protegì d’abus/da falsificaziun?

  • I sa tracta dad in’applicaziun da web ch’è po vegnir clamada si sut covent.ch. Sin fundament da la verificaziun d’identitad fatga a maun vegn l’abus pussaivel reducì sin in minimum. En tut il process a partir da la staziun da Covent fin a la entrada è in’identificaziun necessaria ed è perquai era segira cunter falsificaziun.

Co èsi garantì ch’ils codes QR èn protegids da falsificaziun?

  • Mintga code QR datti mo ina giada ed è deponì en il sistem. Il code QR vegn assegnà a la persuna da test ina giada ed è armonisà cun il sistem. Cun in code falsifitgà na po ins betg far il test.

È l’app era pussaivla per persunas betg svizras resp. per persunas che n’abiteschan betg en Svizra?

  • Gea, ins dovra in numer da pass che sto vegnir endatà manualmain tar persunas estras.

È Covent era cumpatibel cun tests svelts d’auters produciders?

  • Gea, quels ston dentant ademplir tscherts standards, per ch’els possian vegnir integrads ed activads en il sistem. Covent è avert d’integrar tests svelts validads en il sistem.

Datti Covent mo en Svizra?Èsi planisà d’utilisar Covent era en auters pajais per occurrenzas cun Covent?

  • Covent è in sistem avert e pudess, sch’el è vegnì introducì cun success en Svizra, era vegnir introducì en auters pajais.

Datti gia interessents/discurs da far diever da Covent per tut la surfatscha en Svizra? Mussan branschas gia interess?

  • Gea, quai è nossa finamira.

Tge è la differenza en cumparegliaziun cun autras apps?

  • Tar Covent vegni garantì che tut las persunas participantas, da per exempel in’occurrenza, han fatg in test svelt sut surveglianza a 99,9 % entaifer il termin fixà (actualmain 48 uras). La valitaziun dal test succeda tras experts. Tras l’app da web, ils codes QR e l’identificaziun manuala durant tut il process èsi betg pussaivel da falsifitgar.

Dumondas davart il test

Quant ditg duri fin ch’in resultat da test è avant maun?

  • Suenter avair surdà la prova nasala, duri maximalmain 30 minutas fin ch’il resultat è avant maun ed è vegnì communitgà.

Quant ditg dovran ins per exequir il test?

  • Senza il temp da spetga vala la valur directiva da trais minutas.

Co vesa l’andament dal test ora?

  • Il participant d’eveniment sto sa registrar precedentamain ina giada a chasa u sin viadi via la website www.covent.ch. En la staziun da Covent vegn l’identitad armonisada cun Covent, alura vegn il test svelt (code QR) assegnà. Alura vegn cun instrucziun e surveglianza exequì il sfrusch dal nas ed il participant d’eveniment banduna l’apoteca. Uschia pon fullas da glieud pli grondas vegnir evitadas.

Pertge vegn il test da Dräger duvrà?

  • Il test svelt da Dräger ha caracteristicas che auters tests svelts n’han betg. Uschia pon ins per exempel era exequir provas seriusas en l’exteriur cun vent, perquai che nagins guttins ston vegnir mess sin ina strivla da test a maun sco tar auters tests.

Tge schabegia, sch’in resultat da test è positiv?

  • In resultat positiv duess supplementarmain vegnir confermà cun in test da PCR. Tar la consegna digitala d’in resultat positiv vegnan dadas indicaziuns correspundentas. Positivs vegnan aviads directamain a la website da l’Uffizi federal da sanadad publica (UFSP) ed a sia recumandaziun.

Tge schabegia, sch’in test è nunvalaivel?

  • Il test sto vegnir repetì, dentant è sa mussà en la fasa da pilot interna che tut ils tests vegnan en general exequids cun success.

Tge schabegia, sche jau survegn in resultat positiv ed il test da PCR mussa in resultat negativ?

  • En fitg rars cas poi capitar ch’in resultat è positiv ed il test da PCR negativ. En quest cas na vegn il participant betg a survegnir access a quest eveniment, pervia ch’il test da PCR vegn pir ad esser valità pli tard. I na dat nagins dretgs da restituziun.

Tgi surpiglia ils custs per ils tests?

  • Tut tenor, quai po esser la Confederaziun, il chantun respectiv ubain il pajader autonom (esters senza cassa da malsauns en Svizra).

Tge è in sistem serrà?

  • Il test d’antigens da SARS-CoV-2 da Dräger è lev da tractar ed exequir. Il test svelt consista d’in prendider da provas per rimnar cun quità la prova nasala ed ina cassetta da test per l’analisa. En la cassetta da test sa chattan gia tut las reagenzas necessarias. Quai pussibilitescha d’exequir tests senza pipettar supplementarmain reagenzas.

Quant segir è il test? Quant gronda è la quota da sbagls?

  • Ins ha pudì cuntanscher en studis clinics ina sensibilitad cun ina valur CT <26 da 96,8 % ed ina specifitad da 99,7 %.

Quant ditg è il resultat da test valaivel?

  • Per la gestiun da pilot en il chantun Grischun è il test valaivel per 48 uras: a partir dal temp ch’il resultat da test è avant maun fin al mument ch’ins po entrar a l’occurrenza.

Liberescha in test negativ da l’obligatori da purtar mascrinas e las ulteriuras mesiras d’igiena e da protecziun generalmain valaivlas?

  • Quai vegn en il mument sclerì cun las autoritads.

Jau sun cumplettamain vaccinà/ada. Stoss jau tuttina far in test?

  • Na. I vala la regla da 3G (per tudestg: genesen, geimpft, getestet)

Ston ils tests vegnir magasinads spezialmain?

  • Gea, a lunga vista ston ils tests vegnir magasinads tranter 4 e 30 grad celsius.

Tgi exequescha ils tests?

  • Quai dependa tge test che vegn duvrà. U ch’ina persuna spezialisada exequescha la prova da prelevaziun u la persuna da test sezza.

Cun tgeninas apotecas/chadainas d’apotecas essas Vus en discurs?

  • Nus essan en contact cun insaquantas apotecas. Per la fasa da pilot lavurain nus conscientamain cun ina pitschna gruppa elegida da staziuns da Covent. Per l’emprima fasa da pilot lavurain nus ensemen cun la Toppharm Apotheke Masans a Cuira.

Quants tests pon vegnir exequids simultanamain?

  • Quai è dependent da la grondezza dal local resp. da las cundiziuns sin il lieu. En il center stattan la qualitad e l’identificaziun seriusa da las persunas.

Sche tests vegnan verifitgads simultanamain, co vegni verifitgà ch’els na vegnan betg barattads?

  • Al cumenzament vegn il code persunal (code generà cun agid da l’identificaziun) unì cun il code QR dal test da Dräger. Questa metoda è cleramain pli segira che tar autras soluziuns.

Co e cura vegnan ils apotechers resp. las persunas scoladas a la staziun da Covent?

  • Uschespert ch’il concept da protecziun e d’igiena è avant maun ed è vegnì controllà, essan nus pronts da scolar apotecas ed organisaturs en tut la Svizra.

Èsi era pussaivel da sa laschar testar al lieu/tar l’eveniment?

  • Gea, igl è pussaivel da sa laschar testar al lieu.

Quantas staziuns da test datti?

  • Tut tenor basegn: ina glista actuala po vegnir consultada en il decurs dal matg sut www.covent.ch.

Quants tests pon ins exequir en media per mais?

  • Uschè blers ch’èn avant maun, da vart dal sistem Covent è il sistem avert.

Tgi valitescha ils tests en ina staziun da Covent?

  • Spezialists (apotechers, persunal scolà spezialmain e certifitgà)

Dumondas davart Dräger

Tge fa Dräger?

  • Dräger sviluppescha utensils e soluziuns, dals quals umans sa fidan sin tut il mund. Pertge che adina nua che products da Dräger entran en funcziun, sa tracti dal pli impurtant: i va per la vita. Sche quai è in diever clinic, en l’industria, en las minieras, tar ils pumpiers ubain en il servetsch da salvament. Products da Dräger protegian, sustegnan e spendran vitas.

Pertge è Dräger in spezialist per diagnostica/tests? Ma la firma ha atgnamain da far nagut cun tecnica da labor u paregl?

  • Dräger è producider da products da tecnica da medischina e da segirtad per forzas d’intervenziun da divers servetschs medicinals. Ultra da quai ha Dräger sviluppà in agen test d’antigens da SARS-CoV-2. Il test d’antigens da Dräger è in test svelt immuncromatografic per detectar en moda qualitativa il protein nucleocapsid SARS-CoV-2. Cun prender ina prova miaivla e nasala en la zona da la chava dal nas davant, survegnis Vus en moda simpla, segira e svelta ina resposta davart ina pussaivla contagiusitad.

Tge ha Dräger per in’experientscha?

  • Durant sviluppar il test svelt d’antigens da SARS-CoV-2 da Dräger han noss experts duvrà l’experientscha rimnada durant decennis da la producziun dal DrugCheck 3000 da Dräger. Sin questa basa cumprovada è il test vegnì sviluppà, per che Vus possias testar en moda simpla, segira e svelta.